داوەزین گەورەیگ لە نرخ تەڵا لە بازاڕەیل عراق
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد، ئمڕوو سێشەممە، وەشیوەی گەورەیگ داوەزی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٩٦ هەزار دینار، و نرخ سەنینی رەسیە ٣٩٢ هەزار، و نرخ فرووشتن یەک مسقاڵ لە رووژ دووشەممە رەسیە ٤٠٦ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی هەمیش داوەزین توومار کرد لەپای ٣٥٦ هەزار دینار، و نرخ سەنینی رەسیە ٣٥٢ هەزار دینار.
لەباوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای خەلیجی عەیار ٢١ هالە ناونی ٤٠٠ هەزار دینار و ٤١٠ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٥٥ هەزار دینار و ٣٧٥ هەزار دینار.
