داوەزین نوویگ لە نرخ دۆلار لە بەغداد و هەرێم کوردستان

شەفەق نیوز/ نرخ دۆلار، ئمڕوو سێشەممە، لە بۆرسەی سەرەکی  بەغداد و هەرێم کوردستان داوەزیا.

پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد ١٤٧٨٠٠ دینار وەرانوەر ١٠٠ دۆلار ئەمریکی تۆمار کردن.  دوێەکە دووشەممە نرخ دۆلار لە بۆرسەی سەرەکی کیفاح رەسیە ١٤٨٣٥٠ دینار وەرانوەر ١٠٠ دۆلار.

پەیامنێرەگەمان نشان دا ک نرخەیل فرووشتن و سەنەین لە دوکانەیل ئاڵشتکردن لە بازاڕە ناوخۆیلە داوەزیا ک نرخ فرووشتن رەسیە ١٤٨٢٥٠ دینار، و نرخ سەنین رەسیە ١٤٧٢٥٠ دینار وەرانوەر ١٠٠ دۆلار ئەمریکی.

لە هەولێر پایتەخت هەرێم کوردستان نرخ دۆلار هەمیش داوەزین وەخوەی دی ک نرخ فرووشتن رەسیە ١٤٨٠٠٠ دینار وەرانوەر ١٠٠ دۆلار ئەمریکی، و نرخ سەنین رەسیە ١٤٧٥٠٠ دینار وەرانوەر ١٠٠ دۆلار ئەمریکی.