داوەزین نرخ دۆلار وەگەرد بەسیان بازاڕەیل بەغداد

شەفەق نیوز/ نرخ دۆلار ئەمریکی وەرانوەر دینار عراقی، ئیوارەی ئمڕوو چوارشەممە، وەگەرد بەسیان بۆرسەی سەرەکی بەغداد پایتەخت داوەزی.

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان ١٤٦٩٥٠ دینار عراقی وەرانوەر ١٠٠ دۆلار ئەمریکی دەرەیلیان بەسان، و شەوەکی ئمڕوو نرخەگە رەسیە ١٤٧١٠٠ دینار.   

پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە ک نرخ فرووشتن رەسیە ١٤٧٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٦٥٠٠ دینار.