داوەزین نرخ دۆلار لە بەغداد و هەولێر
![داوەزین نرخ دۆلار لە بەغداد و هەولێر](https://media.shafaq.com/media/arcella/1636874070407.jpeg)
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت و هەرێم کوردستان داوەزیا.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو، ١٤٨٢٠٠ دینار عراقی وەرانوەر ١٠٠ دۆلار ئەمریکی توومار کردن.
دۊیەکە شەممە، نرخ دۆلار رەسیە ١٤٨٣٠٠ دینار عراقی وەرانوەر ١٠٠دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد ئارام گرت، ک نرخ فرووشتن رەسیە ١٤٨٧٤٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٧٥٠ دینار.
لە هەولێر پایتەخت هەرێم کوردستان، نرخ دۆلار داوەزین وەخوەی دی، ک نرخ فرووشتن رەسیە ١٤٨٦٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٢٠٠ دینار.