داوەزین نرخ دۆلار لە بەغداد و هەولێر
2021-10-25T07:13:14+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو دووشەممە، لە بۆرسەی سەرەکی بەغداد و هەرێم کوردستان، وەشیوەی کەمیگ داوەزیا.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٤٧٨٠٠ دینار وەرانوەر ١٠٠ دۆلار ئەمریکی.
دۊیەکە یەکشەممە، نرخ دۆلار رەسیە ١٤٧٨٥٠ دینار وەرانوەر ١٠٠ دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد ئارام گرت، ک نرخ فرووشتن رەسیە ١٤٨٢٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٢٥٠ دینار.
لە هەولێر پایتەخت هەرێم کوردستان، نرخ دۆلار داوەزین وەخوەی دی، ک نرخ فرووشتن رەسیە ١٤٧٩٠٠ دینار وەرانوەر ١٠٠ دۆلار ئەمریکی، و نرخ سەنینی رەسیە ١٤٧٧٠٠ دینار.
