داوەزین نرخ دۆلار لە بەغدا وەگەرد بەسیان بازارەیل
2023-10-18T15:41:25+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، وەگەرد بەسیان بۆرسەی سەرەکی بەغداد پایتەخت داوەزیا.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لە وەخت بەسیان 159800 عێراقی وەرانوەر 100 دۆلار ئەمریکی توومار کردن، شەوەکی ئمروو 160100 وەرانوەر 100 دۆلار.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد داوەزیە، نرخ فرووشتن رەسیە 160750 دینار عراقی وەرانوەر 100 دۆلار ئەمریکی، و نرخ سەنینی رەسیە 158750 دینارعراقی .
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە داوەزیان توومار کرد، کە نرخ فرووشتن 100 دۆلار ئەمریکی رەسیە 159850 دینار عراقی، و نرخ سەنینی رەسیە 159900 دینار عراقی.
