داوەزین نرخ دۆڵار لە بەغداد و هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت و هەرێم کوردستان داوەزیا.         

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 147750 دینار عراقی وەرانوەر 100 دۆلار ئەمریکی. 

دۊیەکە دوشەممە، نرخ دۆلار رەسیە 147850 دینار عراقی وەرانوەر 100 دۆلار ئەمریکی.       

پەیامنێرمان وتیش؛ نرخ فرووشتن و سەنین لە دوکانەیل بەغداد جێگیرە، ک نرخ فرووشتن رەسیە 148250 دینار عراقی وەرانوەر 100 دۆلار ئەمریکی، و نرخ سەنینی رەسیە 147250 دینار.                    

لەهەوڵیر پایتەخت کوردستانیش نڕخ دۆلار داوەزی، نڕخ فروشتنی رەسیە 147950 عێراقی وەراوەر 100 دۆڵار ئەمریکی، و نڕخ سەنینی 147800 عێراقی وەرانوەر 100 دۆلار ئەمریکی.