داوەزین نرخ دۆڵار لە بەغدا و هەولێر
2022-01-23T07:27:53+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت و هەرێم کوردستان کەمیگ داوەزیا.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 147950 دینار عراقی وەرانوەر 100 دۆلار ئەمریکی.
دۊیەکە شەممە، نرخ دۆلار رەسیە 148000 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد ئارامگردیە، ک نرخ فرووشتن رەسیە 148500 دینار عراقی وەرانوەر 100 دۆلار ئەمریکی، و نرخ سەنینی رەسیە 147500 دینار.
لەهەوڵیر پایتەخت کوردستانیش نڕخ دۆلار داوەزی، نڕخ فروشتنی رەسیە 148200 عێراقی وەراوەر 100 دۆڵار ئەمریکی، و نڕخ سەنینی 148100 عێراقی وەرانوەر 100 دۆلار ئەمریکی.
