داوەزین نرخ دۆڵار لە بەغدا و هەولێر
2023-06-08T07:57:10+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو پنج شەممە، لە بۆرسەی سەرەکی بەغداد پایتەخت و هەرێم کوردستان داوەزیا.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت ئمڕوو شەوەکی رەسیە 147750 دینار عراقی وەرانوەر 100 دۆلار ئەمریکی. رووژ چوارشەممە، نرخ دۆلار رەسیە 147950 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد داوەزیا، نرخ فرووشتن رەسیە 148750 دینار عراقی وەرانوەر 100 دۆلار ئەمریکی، و نرخ سەنینی رەسیە 146750 دینار.
لەهەولێر پایتەخت کوردستانیش نرخ دۆلار داوەزی، نڕخ فروشتنی رەسیە 147650 عراقی وەراوەر 100 دۆڵار ئەمریکی، و نرخ سەنینی 147600 عراقی وەرانوەر 100 دۆلار ئەمریکی.
