داوەزین نرخ تەڵا لە بازاڕەیل عراق
2021-09-23T10:29:16+00:00
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغداد خ ئمڕوو پەنجشەممە ٢٣ی ئەیلوول ٢٠٢١ داوەزیا.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیچی و تورکی و ئەوروپایی رەسیە لە بازاڕەیل بڕ فرووشتن لە جادەی نەهەر رەسیەن٣٦٠ هەزار دینار، و نرخ سەنینی رەسیە ٣٥٥ هەزار دینار.
پەیامنێرمان وتیش؛ نرخ فرووشتن یەک مسقاڵ تەڵای عراقی هەمیش داوەزین وەخوەی دی لەپای ٣٣٢٠ هەزار دینار، و نرخ سەنینی رەسیە ٣٢٥ هەزار دینار.
لە باوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٦٠ هەزار و ٣٦٥ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٣٠ هەزار و ٣٣٥ هەزار دینار.
