داوەزین نرخ تەڵا لە بازاڕەیل عراق
2022-06-21T10:01:45+00:00
شەفەق نیوز/ نرخ تەڵای بیگانە و عراقی، لە بازاڕەیل بەغداد، ئمڕوو سێشەممە ٢١ حوزەیران ٢٠٢٢ ، داوەزیا.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٧٨ هەزار دینار، و نرخ سەنینی رەسیە ٣٧٤ هەزار دینار.
پەیامنێر ئاژانسمان وتیش: نرخ فرووشتن یەک مسواڵ عەیار ٢١ تەڵای عراقی هەمیش داوەزین توومار کرد لەپای ٣٣٨ هەزار دینار، و نرخ سەنینی رەسیە ٣٣٤ هەزار دینار.
لەباوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای خەلیجی عەیار ٢١ هالە ناونی ٣٨٠ هەزار دینار و ٣٩٠ هەزار دینار، و فرووشتن یەک مسقاڵ تەڵای عراقی ها ناونی ٣٤٠ هەزار دینار و ٣٥٠ هەزار دینار.
