داوەزین نرخ تەڵا لە بازاڕەیل عراق

شەفەق نیوز/ نرخ تەڵای بیگانە و عراقی، ئمڕوو چوارشەممە، لە بازاڕەیل عراق کەمیگ داوەزی.  

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیجی و تورکی و ئەوروپایی لە بازاڕەیل جادەی نەهەر بەغدای پایتەخت رەسیە  370 هەزار دینار،  و نرخ سەنینی رەسیە 366 هەزار دینار، دۊیکە سێشەممە 373 توومار کریایە.       

پەیامنێرمان وتیش: نرخ فرووشتن یەک مسقاڵ عەیار 21 تەڵای عراقی داوەزین وەخوەی دی لەپای 340 هەزار دینار، و نرخ سەنینی رەسیە 336 هەزار دینار.     

لەباوەت نرخ تەڵا لە دوکان زەڕنگەرەیلە، نرخ فرووشتن یەک مسقاڵ تەڵای خەلیجی عەیار 21 هالە ناونی 370 هەزار دینار و 375 هەزار، و نرخ فرووشتن یەک شەممە تەڵای عراقی هالە ناونی 340 و 345 هەزار دینار.