داوەزین نرخ تەڵا لە بازاڕەیل بەغداد و هەولێر
شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغدای پایتەخت، و بازاڕەیل هەولێر پایتەخت هەرێم کوردستان، ئمڕوو چوارشەممە، ١٤ ئەیلول ٢٠٢٢ داوەزی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٥٠ هەزار دینار، و نرخ سەنینی رەسیە ٣٤٦ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقییش داوەزین توومار کرد لەپای ٣٢٠ هەزار دینار، و نرخ سەنینی رەسیە ٣١٦ هەزار دینار.
لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٥٠ هەزار دینار و ٣٦٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣٢٠ هەزار دینار و ٣٣٠ هەزار دینار.
لە هەولێریش نرخ تەڵا داوەزین توومارکرد ک نرخ فروشتن وەپای سەندیکای زەڕەنگەرەیل رەسیە:
٤١٠ هەزار ئەرا یەک مسقاڵ تەڵای عەیار ٢٤
٣٤٨هەزار مسقالیگ عەیار ٢١
٣١٠ هەزار ئەرا مسقالیگ لە عەیار ١٨.
