داوەزین نرخ تەڵا لە بازاڕەیل بەغداد و بەرزەوبوینی لە هەولێر
شەفەق نیوز/ نرخ تەڵای بیگانە و عراقی، ئمڕوو شەممە، لە بازاڕە ناوخۆیەیل بەغداد پایتەخت داوەزی، و لە هەولێر پایتەخت هەرێم کوردستان بەرزەو بوی.
پەیامنێر ئاژانس شەفەق نيوز وت: نرخ یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٣٧ هەزار دینار، و نرخ سەنینی رەسیە ٣٣٣ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ تەڵای عراقی هەمیش داوەزین توومار کرد لەپای ٣٠٧ هەزار دینار، و نرخ سەنینی رەسیە ٣٠٣ هەزار دینار.
لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٤٠ هەزار دینار و ٣٥٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣١٠ هەزار دینار و ٣٢٠ هەزار دینار.
لە هەولێر پایتەخت هەرێم کوردستان، نرخ تەڵا بەرزەوبوین توومار کرد، ک نرخ یەک مسقاڵ عەیار ٢١ رەسیە ٣٥٥ هەزار دینار، وەگورەی نرخ سەندیکای زەڕەنگەرەیل.
