داوەزین نرخ تەڵا لە بازاڕەیل بەغداد
2022-10-08T08:48:10+00:00
شەفەق نیوز/ نرخ تەڵای بیگانە و عراقی لە بازاڕەیل بەغداد پایتەخت، ئمڕوو شەممە، ٨ تەشرین یەکەم ٢٠٢٢، داوەزی.
پەیامنێر ئاژانس شەفەق نيوز وت: نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە ٣٤٩ هەزار دینار، و نرخ سەنینی رەسیە ٣٤٥ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ لە تەڵای عراقی داوەزین توومار کرد لەپای ٣١٩ هەزار دینار، و نرخ سەنینی رەسیە ٣١٥ هەزار دینار.
لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٥٠ هەزار دینار و ٣٦٠ هەزار دینار، و نرخ فرووشتن یەک مسقاڵ تەڵای عراقی ها ناونی ٣١٥ هەزار دینار و ٣٣٠ هەزار دینار.
