داوەزین مردنەیل وبەرزەوبۊن تۊشهاتنەیل کۆڕۆنای عراق

شەفەق نیوز/ شمارەی وەزارەت تەندروسی و ژینگەی عراق، ئمڕوو سێشەممە،  داوەزین شمارەی مردنەیل رووژانە وە ڤایرۆس کۆرۆنا وەرانوەر بەرزەوبۊین شمارەی تۊشهاتنەیل پەتاگە وە ماوەی ٢٤ سەعات گوزەشتە نشان دا.       

وەزارەتەگە لە بەیاننامەیگ رەسیە ئاژانس شەفەق نیوز وت: عراق ٢٢٥ تۊشهاتن نوو وە ڤایرۆس کۆڕۆنا، وەگەرد ٧ مردن توومار کرد.                

دۊیەکە دووشەممە،  وەزارەت تەندروسی عراق، ١٦٦ تۊشهاتن و ٩ مردن وە ڤایرۆسەگە توومار کرد.     

لەباوەت شمارەیل گشتی  وەزارەتەگە وت: شمارەی گشت تۊشهاتنەیل رەسیە دوو مەلیۆن و ٩٢ هەزار و ٨٧٥ تۊشهاتن،  لەلیان ٢٤ هەزار و ١٤٦ مردنە، و و دوو مەلیۆن و ٦٣ هەزار و ٨٠٨ خاسەو بۊینە،