داوەزین کەمیگ نرخ دۆلار وەگەرد بەسیان بۆرسەی بەغداد و هەولێر
2022-11-16T13:58:29+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو چوارشەممە، وەگەرد بەسیان بۆرسەی سەرەکی بەغداد و هەولێر پایتەخت هەرێم کوردستان داوەزیا.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٤٨٤٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٤٨٤٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو جیگیر بوی، ک نرخ فرووشتن رەسیە ١٤٩٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٠٠٠ دینار عراقی.
لە هەولێر پایتەخت هەرێم کوردستان، بۆرسە لەبان داوەزین دەری بەسێد، ک نرخ فرووشتن رەسیە ١٤٨٣٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٨٢٠٠ دینار عراقی.
