داوەزین کەمیگ نرخ تەڵا لە بازاڕەیل عراق
2022-05-09T08:34:41+00:00
شەفەق نیوز/ نرخ تەڵای عراقی و بیگانە لە بازاڕە ناوخۆیەیلە، ئمڕوو دوشەممە ، 9 ئایار 2022 داوەزی.
پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت، رەسیە 384 هەزار دینار، ونرخ سەنینی رەسیە 380 هەزار، نرخ فروشتنی لە دویکە یەکشەممە 386 هەزار توومارکریا.
پەیامنیرمان وتیش: نرخ فروشتن یەک مسقال تەڵای عراقی داوەزین وە خوەی دی لە پای 344 هەزار دینار وە نرخ سەنینی رەسیە 340 هەزار دینار.
لە باوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای عەیار 21 خەلیجی ها لە ناوەنی 385 هەزار دینار و 395 هەزار دینار، نرخ تەڵای عراقی ها لە ناوەنی 345 هەزار و 355 هەزار دینار.
