داوەزینیگ لە بەغداد کەشوهەواگە ئاڵشتکەێد (وینە)
کامیرای ئاژانس شەفەق نیوز، شەوەکی ئمڕوو چوارشەممە، کەشوهەوای بەغداد توومارکرد، کە وای نوویگ و بوونیگ زمسانە داشت، لەدویای وسیانیگ وەختانەی واران وارین.
دەسەی کەشناسی مەزەنەکەێد، وڵاتەگە کەفێدە ژیر کاریگەری کەشوهەوای ناجیگیریگ لەماوەی رووژەیل چوارشەممە و پەنجشەممە، بوودە هووکار واران وارین و داوەزین پلەی گەرمی، لە ئەنجام هاتن داوەزین بارستەیگ کە لە دەریای سوورەو هاتیە.
کەشناس سادق عەتیە دیاریکرد، "پلەی گەرمی لە عراق لەناوین بەرزونزمی بازی کەێد، وە مدوو کاریگەری رەدبوین داوەزین کەشوهەوا لەماوەی چەن رووژ ئایندە یەیش کاریگەری لەبان بارستە وای وڵاتەگە دیرێد".
عەتیە لە پۆستیگ لەبان تووڕ کۆمەڵایەتی "فەیسبووک" راگەیان، وەرجە کۆتایهاتن هەفتەی وەرین وڵاتەگە کاریگەری کەشوهەوای دویەم وەخوەی دوینێد، داوەزین وەرچەویگ پلەی گەرمی وە تایبەت لەناوچەیل ناوڕاس و خوەرئاوا و باکوور وڵاتەگە.
