داوەزین دۆلار لە بەغدا و ئارامگردنی لە هەولێر
2021-11-23T07:14:08+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت کەمێگ داوەزیا و هەرێم کوردستان جیگیر بۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو 147900 دینار عێراقی وەرانوەر 100 دۆلار ئەمریکی توومار کردن.
دۊێکە دوشەممە، نرخ دۆلار رەسیە 147950 دینار وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد جۊر خوەی مەنییە، نرخ فرووشتن رەسیە 148500 دینار عێراقی وەرانوەر 100 دۆلار ئەمریکی، و نرخ سەنینی رەسیە 147500 دینارعێراقی .
لەهەوڵیر پایتەخت هەرێم کوردستانیش نڕخ دۆلار جیگیرە، نڕخ فروشتنی رەسیە 148000 عێراقی وەراوەر 100 دۆڵار ئەمریکی، و نڕخ سەنینی رەسیە 147800 عێراقی وەرانوەر 100 دوۆلار ئەمریکی.
