داوەزین تۊشهاتنەیل کۆڕۆنای عراق ئەرا خوار هەزار

شەفەق نیوز/ وەزارەت تەندروسی و ژینگەی عراق، ئمڕوو دووشەممە، داوەزین گەورەیگ لە شمارەی تۊشهاتنەیل ڤایرۆس کۆڕۆنا توومار کرد،  ک یە چەن مانگیگە وەی ئاستە نەداوەزیایە.

وەگورەی هەڵوێست رووژانەی پەتاگە ک رەسیە ئاژانس شەفەق نیوز، تاقێگەیل وەزارەت تەندروسی ٩٤٤ تۊشهاتن و ٢٨ مردن توومار کردن، و ٣٢٠٥ بیمار لە پەتاگە خاسەو بۊین،  و ٥٩٤٣ کەس واکسین دژوە ڤایرۆسەگە وەرگرد. 

گشت شمارەی خاسەوبۊیەیلە  رەسیە یەک مەلیۆن و ٩٤٨ هەزار و ٥٧١ کەس،  وەگەرد دوو مەلیۆن و ٢٤ هەزار و ٧٠٥ تۊشهاتن، و ٢٢ هەزار و ٥٩١ مردن