داوەزیان وەرچەویگ خواست عراقیەیل لەبان سەنین موڵک لە تورکیا

شەفەق نیوز/ دەسەی ئامار تورکیا، ئمڕوو سێشەممە، راگەیان لەماوەی ساڵ 2024  سەنین موڵک وەلایەن عراقیەیل وە رێژەی  32% داوەزیایە بەراورد وە هەمان ماوە لە ساڵ گوزەشتە.

دەسەگە لە خشتەیگ کە ئاژانس شەفەق نیوز دیەسێ راگەیان، "عراقیەیل لەماوەی ساڵ گوزەشتە لە سەرەتای کانوون دویەم تا کانون یەکەم، ، 1302 موڵک لە تورکیا سەننە   32% داوەزیایە بەراورد وە هەمان ماوە لە ساڵ گوزەشته 2023 کە سەنین موڵک وەلایەن عراقیەیل رەسیە  1917 موڵک".

دیاریکرد "عراقیەیل پلەی چوارەم دیرن لە سەنین موڵک لە تورکیا لەدویای هەریەک لە روسیەیل وە 4876 موڵک و ئیرانیەیل وە 2166 مولک، و ئۆکرانیەیل وە  1631 موڵک، و ئەڵمانیەیل وە پەنجەم تێن وە   1283 موڵک، کازاخستان شەشەمەوە   1055 موڵک".