داوەزیان نرخ دۆلار وەگەرد بەسیان بۆرسەی بەغداد و هەولێر
2023-06-15T14:11:19+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو پەنجشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان داوەزیا.
پەیامنێر ئاژانس شەفەق نیوز وت: بۆرسەی سەرەکی کیفاح لە بەغداد پایتەخت، ئیوارەی ئمڕوو، لەبان نرخ ١٤٦٩٠٠ دینار عراقی وەرانوەر ١٠٠ دۆلار ئەمریکی دەری بەساد.
شەوەکی ئمڕوو، نرخ ١٠٠ دۆلار ئەمریکی رەسیە ١٤٧١٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی رەسیە ١٤٨٠٠٠ دینار عراقی، و نرخ سەنینی رەسیە ١٤٦٠٠٠ دینار عراقی.
لە هەولێر نرخ دۆلار هەمیش وەگەرد بەسیان بۆرسە داوەزین توومار کرد، ک نرخ فرووشتن ١٠٠ دۆلار ئەمریکی رەسیە ١٤٧١٠٠ دینار عراقی، و نرخ سەنینی رەسیە ١٤٧٠٠٠ دینار عراقی.
