داوەزیان نرخ دۆلار وەگەرد بەسیان بۆرسەی بەغداد و جیگیربوینی لە هەولێر
2024-06-22T13:44:08+00:00
شەفەق نیوز/ نرخ دۆلار ئەمریکی وەرانەور دینار عراقی، ئمڕوو شەممە، وەگەرد بەسیان بۆرسەی سەرەکی بەغداد پایتەخت داوەزیا، و لە هەولێر پایتەخت هەرێم کوردستان جیگیر بوی.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 146800 دينار عراقی وەرانەور 100 دۆلار ئەمریکی دەرەیلیان بەسان.
شەوەکی ئمڕوو، نرخ 100 دۆلار ئەمریکی رەسیە 147000 دينار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، کە نرخ فرووشتن 100 دۆلار ئەمریکی رەسیە 147750 دينار عراقی، و نرخ سەنینی رەسیە 145750 دينار عراقی.
لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە جیگر بوی، کە نرخ فرووشتن 100 دۆلار ئەمریکی رەسیە 146800 دينار عراقی، و نرخ سەنینی رەسیە 146500 دينار عراقی.
