داوەزیان نرخ دۆلار لە بەغداد و بەرزەوبوینی لە هەولێر وەگەرد بەسیان بۆرسەیل

شەفەق نیوز/ نرخ دۆلار ئەمریکی وەرانەور دینار عراقی، ئمڕوو چوارشەممەر وەگەرد بەسیان بۆرسەیل سەرەکی بەغداد پایتەخت، داوەزیا، و لە هەولێر پایتەخت هەرێم کوردستان بەرزەو بوی.

پەیامنێر ئاژانس شەفەق نیوز وت: بۆرسەیل سەرەکی کیفاح و حارسیە لە بەغدای پایتەخت، ئیوارەی ئمڕوو، لەبان نرخ 151500 دينار عراقی وەرانەور 100 دۆلار ئەمریکی دەرەیلیان بەسان. 

شەوەکی ئمڕوو، نرخ 100 دۆلار ئەمریکی رەسیە 151700 دينار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، کە نرخ فرووشتن 100 دۆلار ئەمریکی رەسیە 

152500 دينار عراقی، و نرخ سەنینی رەسیە 150500 دينار عراقی.

لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە وەشیوەی کەمیگ بەرزەو بوی، کە نرخ فرووشتن 100 دۆلار ئەمریکی رەسیە 151350 دينار عراقی، و نرخ سەنینی رەسیە 151250 دينار عراقی.