داوەزیان نرخ تەڵا لە بازاڕەیل بەغدا و جیگیربوینی هەولێر

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 409 هەزار دینار، و نرخ سەنینی رەسیە 405 هەزار دینار.

پەیامنێر ئاژانسمان وتیش: نرخ فرووشتن یەک مسقاڵ عەیار 21 لە تەڵای عراقی داوەزیان توومار کرد لەپای 379 هەزار دینار، و نرخ سەنینی رەسیە 375 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 هالە ناونی 415 هەزار دینار و 425 هەزار دینار، و نرخ فرووشتن یەک مسقاڵ تەڵای عراقی ها ناونی 385 هەزار دینار و 395 هەزار دینار.

نرخ تەڵا لە هەولێر پایتەخت هەرێم کوردستان جیگیربوی، نرخ فرووشتن یەک مسقاڵ تەڵای عەیار 24 رەسیە 380 هەزار دینار، و نرخ فرووشتن یەک مسقاڵ تەڵای عەیار 21 رەسیە و420 هەزار دینار، و نرخ فرووشتن یەک مسقاڵ تەڵای عەیار 18 رەسیە 360 هەزار دینار.