داوەزیان کەمیگ نرخ دۆلار لە بەغداد و هەولێر وەگەرد بەسیان بۆرسەیل
2024-01-17T14:54:43+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو سێشەممە، وەگەرد بەسیان بۆرسەی سەرەکی لە بەغداد پایتەخت و هەولێر داوەزی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لە وەخت بەسین 152300 عراقی وەرانوەر 100 دۆلار ئەمریکی توومار کردن. لە شەوەکی ئمڕوو 152400 عراقی وەرانوەر 100 دۆلار بوی.
پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد داوەزیا، نرخ فرووشتن رەسیە 153250 دینار عراقی وەرانوەر 100 دۆلار ئەمریکی، و نرخ سەنینی رەسیە 151250 دینارعراقی .
لە هەولێریش وەرگەرد بەسیان بۆرسە نرخ دۆلار داوەزی و نرخ فرووشتنی رەسیە 152100 دينار وەرانوەر 100 دولار، نرخ فروشتن 152000 دينار وەرانوەر 100 دولار.
