داوەزیان پلەی گەرمی لە عراق لە ئمڕووەو دەسوەپی کەێد
2024-09-02T12:09:56+00:00
شەفەق نیوز/ شارەزای کەشناسی عەلی جابر زیادی، ئمڕوو دووشەممە، راگەیان کە کەشوهەوای عراق کەفێدە وەر پارچە وایگ پلەی گەرمی داوەزنێد.
زیادی ئەرا ئاژانس شەفەق نیوز وت: وڵاتەگە ئیوارەی ئمڕوو، کەفێدە کاریگەری پارچە وایگ وەگەرد گورجی وای باکوور خوەرئاوایی، و سوو ئیوارە قویلەو بوود، کە بوودە مدوو داوەزیان ریژەی گەرمی لە چەن شوینیگ ئەرا دوو پلەی گەرمی.
وتیش: کەشوهەوا هوونکەو بوود، و ریژەی گەرمی نزمە وە نزیک ٤٣ پلەی سەدی لە بەشیگ ناوچەیل ناوڕاس و باشوور.
زیادی دیاری کرد کە کەشوهەوا بوودە نیمچە ئاسایی پاییزی لەی چوار رووژ بانانە، و وڵاتەگە کەفێدە شەپوولیگ تاوسانی سووکتر لە سەرەتای هەفتەی ئایندە.
