داوەزیان گەرمی و بەرزەوبوین خوەڵوتووز.. کەشوهەوای عراق لەی رووژەیل بانانە
2023-08-02T08:26:17+00:00
شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە لەی رووژەیل بانانە بڵاو کرد، و باس بەرزەوبوین خوەڵوتووز و داوەزیان پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە لە سوو پەنجشەممە، خوەرە و پلەی گەرمی لە گشت وڵاتەگە کەمیگ نزمەو بوود، و خوەڵوتووز لە چەن شوینیگ هەڵسێد.
وتیش؛ ڕووژ جمعە، لە گشت وڵاتەگە خوەرە و پلەی گەرمی لە بەشەیل ناوڕاس کەمیگ بەرزەو بوود، و لە ناوچەی باکوور و باشوور نزیک رووژ وەرجە خوەیە، و خوەڵوتووز لە چەن ناوچەیگ هەڵسێد.
دەسەگە دیاری کرد ک کەشوهەوای رووژەیل شەممە و یەکشەممەی ئایندە لە گشت ناوچەیل وڵاتەگە خوەرە و پلەی گەرمی نزیک رووژ وەرجە خوەیانە.
