دانە: بەرزەوبوین بەرهەم گاز لە هەرێم کوردستان وە رێژەی ٦٪
2020-11-12T09:14:16+00:00
شەفەق نیوز/ کۆمپانیای دانە گاز ئیماڕاتی، ئمڕوو پەنجشەممە، راگەیان بەرزەوبوین ئاست بەرهەم گاز لە سیێەم چارەک لە ساڵ ٢٠٢٠ لە هەرێم کوردستان وە رێژەی ٦٪ .
کۆمپانیاگە لە راپۆرتیگ لە بان ماڵپەڕ فەرمی خوەی بڵاوکرد و ئاژانس شەفەق نیوز چەودیریی کرد وت: لە کارەیل خوەی لە هەرێم کوردستان وەبی دابڕین وەردەوامبوی، وەگەرد جیوەجیکردن بڕ سەختیگ لە ریکارەیل تەندروسی و سەڵامەتی.
وتیش: لە ماوەی یەکەم نۆ مانگ لە ساڵ ٢٠٢٠ بەرهەمەگە لە هەرێم کوردستان رەسیە ٣١،٩٠٠ بەرمیل رووژانە، وهەمیش زیایکردنیگ وە رێژەی ٦٪ لە ماوەی سێیەم چارەک لەی ساڵە تۆمار کرد تا بڕەسێدە ٢٣،٤٠٠ بەرمیل رووژانە.
دانە گاز ئاماژە کرد ک هووکار بەرزەوبوین بەرهەمەگەی لە کوردستان چوودەو ئەرا تەواوکردن سەرکەفتگ لە پڕۆژەی بەرزەوکردن توانای ویستگەی چارەسەرکەردن گازەگە، ک بویە هووکار زایایکردن دەور ٣٠ مەلیۆن پای چوارگووشەیی پەیمانەیی رووژانە لە گاز.
