دامەزرانن لە بودجە...150 هەزار دامەزرانن ئەرا هەر پارێزگایگ

سەرۆک لایەن هیوای نیشتیمانی یاسر حوسەینی وە ئاژانس شەفەق نیوز وت، دەنگ دریا وەبان ئەو مادە لە بودجە ک دابەشکردن 150 هەزار پلەی دامەزرانن گرێدەو لەبان پارێزگایەیل وەپای رێژەی دانشتگەیل هەر پارێزگایگ، بیجگە لەو خشتەیلە ک لە بنەڕەتەو لەو پارێزگایل هەس، وتیش هووکار دەرکردن ئی بڕیارە ئەوە بوی بڕیگ پارێزگا هەس دامەزرانن لەناوی کەمە جویر بابل 26 هەزار پلە، و کەربەلا 24 هەزار و پارێزگایەیلتر.

وتیش، پەرلەمان  150 هەزار پلە دامەزرانن پەسەنکرد وەپای رێژەی دانشتگەیل نەک وەپای خشتەی وەختانە بەڵکم وەشیوی وەردەوام، ئاشکەراکرد ئی بڕگە نەنویسریاگە بەڵکم وە دەنگ پەسەنکریا، و کۆپی ئی باوەتە دویایی رەسێدە دەسمان.

ئەنجومەن نوێنەرەیل عراق، شەوەکی شەفەق ئمڕوو دووشەممە، دەنگدا لەبان یاسای بودجەی فیدرالی ئەرا ساڵەیل 2023,2024,2025، لەدویای گفتوگەیل بەردەوام ماوەی پەنج رووژ.

بودجەی ئمساڵ وە، 197 تريليون و828 مليار دينار عراقی دیاریکریا، (نزیکەی 152.2 مليار دۆلار)، وەجەم گشتی کوڵهاوردن 63 تريليون دينار (48.3 مليار دۆلار)، لەوەختیگبڕگەیل بودجەی ساڵ  2023 و2024 بڵاونەکریاگە.