داعش موختاريگ و سييان له كوڕه‌يلى له سه‌ڵاحه‌دين كوشت
2020-05-15T10:27:01+00:00
شه‌فه‌ق نيوز/ سه‌رچه‌وه‌يگ ئه‌منى له سه‌ڵاحه‌دين، ئاشكراى ئه‌وه كرد ده‌مه‌و شه‌وه‌كى ئمڕوو چه‌كداره‌يل داعش په‌لامار ئاواييگ دانه له ده‌ورگرد شار سامه‌ڕا له باشوور پاريزگاى سه‌ڵاحه‌دين و له‌و په‌لاماره موختار و سييان له كوڕه‌يلى كوشتنه.
سه‌رچه‌وه‌گه ئه‌را ئاژانس شه‌فه‌ق نيوز وت: داعش په‌لامار ئاواييگ داگه له ناوچه‌ى جه‌لام سامه‌ڕا له باشوور سه‌ڵاحه‌دين و موختاريگ و سيييان له كوڕه‌يلى كوشتنه‌و ماڵه‌گه‌يشى ئاگر دانه‌و واينه وه‌ره‌و شوونيگ ناديار.
سه‌رچه‌وه‌گه وت: هيزيگ له ليواى 17ى پۆليس ناوه‌ندى وه به‌شدارى وه‌ل سرايا سه‌لام بارودوخه‌گه كۆنترۆڵ كردنه‌و ده‌ورگرد ناوچه‌گه ته‌وق كردنه.
