داعش له سه‌ڵاحه‌دين پۆليسيگ كوشت
2020-06-10T10:17:16+00:00
شه‌فه‌ق نيوز/ وه‌رپرسيگ ناوچه‌يى ئاشكراى كوشيان پۆليسيگ كرد له‌ئه‌نجام په‌لاماريگ چه‌كدارى له‌لايه‌ن چه‌كاره‌يل ريكخرياگ تيرۆريستى داعشه‌و ئه‌را بان خاڵيگ ئه‌منى له ده‌ورگرد ناحيه‌ى يه‌سرب له باشوور سه‌ڵاحه‌دين.
له‌ى باوه‌ته‌و، حارس عه‌بدولنه‌بى حه‌شماوى وه‌ڕيه‌وبه‌ر ناحيه‌گه ئه‌را ئاژانس شه‌فه‌ق نيوز وت: شماره‌يگ له چه‌كداره‌يل داعش ته‌قه له خاڵيگ ئه‌منى سه‌ر وه فه‌وج 13ى پۆليس ته‌وارى كردنه له ئاوايى ئه‌لمه‌زاريع له خوه‌رئاواى ناحيه‌ى يه‌سرب و له‌تى پۆليسيگ كوشياگه.
حه‌شماوى هه‌ميش وت: دوياى ئه‌و رويداگه چه‌كداره‌يل داعش واينه وه‌ره‌و شوونيگ ناديار وه‌رجه ره‌سين هيزه‌يل ئه‌منى ئه‌را شوون رويداگه‌گه و باس له‌وه‌يش كرد بارودوخه ئيسه كۆنترۆڵ كرياگه.
