داعش پەلامار تاوەرەیل کارەبای سەڵاحەدین دەێد
2021-08-05T07:06:52+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا ک ریخریاگ داعش پەلامار تاوەرەیل کارەبا لە ناوچەیل دەورگردی گ عەلەم و شرگات لە پارێزگاگە دا.
سەرچەوەگە ئەرا ئاژانس شەفەق نیوز وت: ئەندامەیلیگ لە داعش وە چەم ناوڕاسین پەلامار تاوەرەیل کارەبای ناوبەین قەزای دۆر و عەلەم دان، ک بویە هووکار ویرانکردن یەکیگ لە تاوەرەیلە و زەرەد لە یەکیگ تر
سەرچەوەگە دیاری کرد ک هێزیگ لە پۆلیس سوات لە نزیک رووداوەگە تەقە لە ئەندامەیل کردن وەبی هیچ زەخمداربوینیگ لەلایەن پۆلیس، و پەلاماردەرەیل وەرەو شوین نادیاریگ واین.
