داعش سەر چوار شوان لە نەینەوا بڕێد

شەفەق نیوز/ سەرچەوەیگ ئەمنی، ئمڕوو شەممە، خەوەردا لە پەیاکردن تەرم چوار شوان یە ماوەی فرەیگە لە جزیرەی حەزەر لە پارێزگای نەینەوا رفیانە.   

سەرچەوەگە ئەرا ئاژانس شەفەق نیوز وت: دووان لەو شوانەیلە لە ئیڵ شمەر بۊن، و دووانیان لە هووز جغایفە، وەرجە ماوەی درۊژیگ داعش رفانیەسەیان و بیسەروشۊن بۊنە.       

وتیش: هیزیگ ئەمنی تەرمەیلیان پەیا کرد، دۊای ئەوە ک ئەندامەیل داعش وەرجە دوو رووژ سەریان بڕینە  و تەرمەیلیان لە جزیرەی حەزەر فڕە دانە. 

وەگورەی سەرچەوەگە، خەوەر کوشتن ئەو شوانەیلە وەدەس داعش دۊکە رەسیە باوجی دەزگا ئەمنییەیلە وەبی فەرمان جۊلە نەکردن، تا هیز گەورەیگ دروس کریا و چینە ناو جزیرەی حەزەر و تەرمەیلە هاوردن تا بیەنە دەس خاوەنیان.