داعش دوو مەدەنی لە خاڵیگ درووکانی رفنێد و سێیان زەخمدار کەێد
![داعش دوو مەدەنی لە خاڵیگ درووکانی رفنێد و سێیان زەخمدار کەێد](https://media.shafaq.com/media/arcella/1628318908587.jpg)
شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا ک ریخریاگ داعش وە خاڵیگ درووکانی لە باشوور خوەره ڵات شار مووسڵ، دوو کەس رفان و سێیان تر زەخمدار کرد.
سەرچەوەگە ئەرا ئاژانس شەفەق نیوز وت: چەکدارەیل داعش وە دڵنگ هێزەیڵ عراق خاڵیگ درووکانی لە نزیک ئاوای کندار لەبان ری مەخموور- هەولێر دوو کەس رفان و سێیان تر زەخمدار کرد.
سەرچەوەگە وتیش؛ چەکدارەیل داعش لە خاڵە درووکانیەگە دوو کەس رفانن و تەقە لە ماشینیگ کردن و سێ کەس لەناوی زەخمدار کردن.
وەگورەی سەرچەوەگە، زەخمدارەیلە بریانە یەکیگ لە خەسەخانەیل هەولێر، و زانیاریەیلیگ زیاتر لە رووداوەگە نەڕەسیە.