داعش دوو کەس رفنێد...ئاگاداری ئەمنی لەمابەین سلێمانی کەرکوک
شەفەق نیوز/ سەرچەوەیگ ئەمنی، ئمڕوویەکشەممە، خەوەردا ك ئەندامەیل لە رێکخریاگ تیرۆرستی داعش دوو کەس لە ناوچەی چوولیگ لە مابەین پارێزگایەیل سلێمانی و کەرکوک رفاننە.
سەرچەوەگە وە ئاژانس شەفەق نیوز خەوەردا، " ئەندامەیل لە رێکخریاگ تیرۆرستی داعش هاتنەس ئەرا بان ری مابەین کەرکوک سلێمانی خوەرهەڵات کەرکوک، لە ناوچەیگ ک چووڵە لە پێشمەرگە و هیزەیل فیدراڵی، دوو گەنج رفاننە و وەرەو جی نادیاریگ چگنە.
سەرچەوەگە ئاشکەرایکرد، فەرماندەی پۆلیس کرکوک خوەی سەرپەشتیاری رێکارەیل مینەکردن و ئازادکردن دوو هاوڵاتیە رفیاگە کەێد لە نزیک کویەی بۆر سەر وە سنوور ناحیەی لەیلان وە ئامادەبوین وەریەوبەر هەواڵگری و دژە تیرۆر و دەزگایەیل ئەمنی.
لەهەمان وەخت پۆلیی کەرکوک هاوڵاتیەیل ئاگادار کەێد، لەپسای هەبوین هەر زانیاریگ وە خۆرایی پەیوەندی بکەن وە یەکەی ئۆپراسیۆن پۆلیس کەرکوک ( 113-345).
