داعش دوو کەس دویای زیاتر لە ساڵیگ لە رفیانیان لە دیالە دەێدە سێدارە
2023-01-09T12:03:26+00:00
شەفەق نیوز/ سەرچەوەیگ حکومەتی لە دیالە، ئمڕوو دووشەممە، راگەیان ک ریخریاگ داعش دوو کەس دادە سێدارە وەرجە ساڵیک و هەفت مانگ لە دەورگرد ناحیەی سەعدیە رفانەیان.
سەرچەوەگە ئەرا ئاژانس شەفەق نیوز وت: ئەندامەیل داعش پڕتاڵ سەربازی لەوەریان بویە لە تاوسان ٢٠٢١ چگنە ناو ماڵ موختار گەڕەک رەبیع لە دەورگرد ناحیەی سەعدیە و گولەوارانی کردن و کوڕەگەی رفانن، و لەو مەوقە کەسیگ لە هاوسایان ئاگادار ئەندامەیل داعش کردگە ک خوەی ئەندام ئەمنیە، گوایە تەقەلا داگە ئەو کەس رفیاگە لە چنگیان ئازاد بکەێد، باوجی ئەندامەیل داعش ئەویش وەگەرد کوڕ موختارەگە رفانن.
وتیش: زانیاریەیل وەسێدارەدان ئەو دوو کەسە لەبان شایستەیل ئەلیکترۆنی نزیک لە داعش چەسپیا، و ئیرنگە لێکۆڵینەوە ئەرا دیاریکردن شوینەیل تاوناگە و سەرچەوەیل بڵاوکردن وینە و ڤیدیۆەیل وەسێدارەدانەگە وەڕیەو چوود.
