دارایی مزگانی دەێدە فەرمانبەر و خانەنشینەیل لەباوەت مووچەی ئەیلوول

شەفەق نیوز/ سەرچەوەیگ لە وەزارەت دارایی عراق، ئمڕوو شەممە، راگەیان دابینکردن مووچەی مانگ ئەیلوول وەتەواوەتی لەلای وەزارەتگە.

سەرچەوەگە ئەرا ئاژانس شەفەق نیوز وت: مووچەی فەرمانبەر وخانەنشینەگان ئەرا مانگ ئەیلوول وە تەواوەتی تەرخانکریاگە لە دابینکردن پویلی.

وتیش؛ دیرکەفتن مووچەگان چوودەو ئەرا گرفتەیلیگ هونەری لە تەکنیک هەواڵەکردن پویلەگان لە بانک ناوەندی ئەرا وەزارەت ودامەزراو و فەرمانگەیل دەوڵەت و بانکەگان.

سەرچەوەگە ئاماژەکرد ک بانکەگان ئەوەسا لە کۆتایی هەفتەی ئایندە دەسکەنە مەرەقەزکردن و خەرجکردن مووجەگان لە رەوانەکردن بانگواز لە دارایی ئەرا بانکەگان وە مەرقەزکردن مووچەی فەرمانبەر وخانەنشینەگان.