دارایی پەرلەمان: هیچ دەسەڵاتیگ لە ئاڵشتکردن نرخ دۆلار نەیریمن
2021-03-21T14:00:52+00:00
شەفەق نیوز/ دەسەی دارایی لە پەرلەمان عراق، ئمڕوو یەکشەممە، دووپات کرد ک ئەنجومەن نۆێنەران هیچ دەسەڵاتیگ لە ئاڵشتکردن نرخ دۆلار لە نوای دینار عراقی لە یاسای بوودجەی گشتی نەیرێد، و ئاماژە کرد ک ئاڵشتکردن نرخەگە بوودە کاریگەری لەبان شیوەی بوودجەگە.
ئەحمەد حاج رەشید ئەندام دەسەگە ئەرا ئاژانس شەفەق نیوز وت: نرخ دۆلار لە یاسای بوودجەگە ئاڵشت نێکریەێد، و هەر ئاڵشتبوینیگ لەوە کاریگەری لەبان شیوەی بوودجەگە دیرێد و دەر و بەندەیلی ئاڵشت کەێد.
وتیش؛ هەر ئاڵشتبوینیگ لە نرخ خەرجکردنەگە بوودە هووکار داوەزین داهاتەیل لە یاسای بوودجەی گشتی و بەرزەوبوین خەرجکان و زیایبوین پەککەفتن دارایی، و دووپات کرد ک پەرلەمان هیچ دەسەڵاتیگ لە ئاڵشتکردن نرخ دۆلار نەیرێد.
