دارایی پەرلەمان مزگانی دەێدە فەرمانبەر و خانەنشینەگان
2021-01-11T11:17:52+00:00
شەفەق نیوز/ دەسەی دارایی لە پەرلەمان عراق، ئمڕوو دووشەممە، دووپات کرد ک دیرکەفتن بڕیاردان بوودجەی ٢٠٢١ کاریگەری لەبان مەوقەیل خەرجکردن مووچەگان نەیرێد، و دیاری کرد ک وەزارەت دارایی وەگورەی میکانزم دابەشکردن بڕ پویل بوودجەگە لەبان ١٢ مانگ کەێد، هەکاتی ساڵ ٢٠٢٠.
کەمال کۆچەر ئەندام دەسەگە ئەرا ئاژانس شەفەق نیوز وت: وەزیر دارایی فەرمانەیلیگ داگە فەرمانگەیل وەزارەتەگە وە خەرجکردن مووچەی فەرمانەبەرەیل و خانەنشینەگان ئەرا مانگ کانون دوویەم لە بنەمای ١٢/١، ک بوودجەگە بەشەو کەێدە ١٢ مانگ تا لە هەر مانگی مووچەی خوەی خەرج بکریەێد، هەکاتی ساڵ گوزەیشته.
و ئاماژە کرد ک دیرکەفتن ئەنجومەن نۆێنەران لە دەنگدانی لەبان یاسای بوودجەی گشتی، کاریگەری لەبان خەرجکردن مووچەی فەرمانبەرەیل و خانەنشینەگان نەیرێد.
