چەکدارەیلیگ گەنجیگ لە بەغداد کوشن و باوگی زەخمدار کەن

شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا ک چەکدارەیلیگ نەناسریاگ گەنجیگ کە خوەرئەڵات بەغدای پایتەخت کوشتن وباوگییش زەخمدار کردن. 

سەرچەوەگە ئەرا ئاژانس شەفەق نیوز وت: چەکدارەیلیگ تەقە لە پیاویگ وەگەرد کوڕەگەی لەناوچەی بەلەدیات کردن، ک بۊیە هووکار کوشیان کوڕە ٢٩ ساڵانەگە، و زەخمداری باوگی، و چەکدارەیلە وەرەو شۊن نادیاریگ واین .  

سەرچەوەگە دیاری کرد ک زانیارەیلە دەسنشان ئەوە کەن ک رووداوەگە لەوەر ناکۆکیەیلیگ خیزانی بۊیە، و هێزە ئەمنیەیلە پیاوە زەخمدارەگە وەرەو خەسەخانە بردن، و تەرم گەنجەگە رەساننە پزشک دادوەری، و لێکۆڵینەوە لە رووداوەە واز کردن.