چەکدارەیلیگ پەلامار ماڵ چالاکوانیگ لە کەرکوک دەن
2024-05-07T11:39:12+00:00
شەفەق نیوز/ سەرچەوەیگ ئەمنی لە پارێزگای کەرکوک، ئمڕوو سێشەممە، خەوەردا کە گرووپیگ چەکدار زەخمدار کەسیگ کردن کار کە لە ریخریایەیل مرۆیی کار کەێد، ئەوەیش مەوقەی پەلاماردان ماڵەگەی باشوور پارێزگاگە.
سەرچەوەگە ئەرا ئاژانس شەفەق نیوز وت: چوار کەس چەکدار وەناو ماشینیگ کیای بارهەڵگر، چگنە مان ماڵ کابرایگ وەناو (و، ج، ج) لە داڵگبوی ساڵ 1992 لە گەڕەک ئەسرا و مەفقودین باشوور کەرکوک، کار لە چین ریخریایەیل و پەیوەندییەیل ناودەوڵەتی کەێد.
سەرچەوەگە وتیش: چەکدارەیل چگنە مان ماڵ ئەو کابرا وە سێ گولەی دەوانچە پایلی زەخمدار کردن.
سەرچەوەگە وتیش: هیزیگ ئەمنی رەسیە شوین رویداوەگە و زەخمدارەگە ئەرا خەسەخانە رەسان، و لێکۆڵینەوە ئەرا ناسین تاوانبارەیل واز کرد.
