چەکدارەیلیگ تەقە لەماڵ کاندیدیگ سەروەخوەی ئەرا هەڵوژاردن پارێزگایل کەن لە بەغداد

سەرچەوەیگ لە پولیس عراق ئەرا ئاژانس شەفەق نیوز وت: چەکدارەیلیگ نەناسیاگ شەوەکی ئمڕوو، ماڵ (عامر وائلی) کاندید ئەرا هەڵوژاردن پارێزگایل لە هاوپەیمان (نەبونی) وە ریبەری سکرتێر گشتی ریخریاگ بەدر هادی عامری کردنە ئامانج، ئەوەیش ڵ  ناوچەی بەلەدیات خوەرھەڵات بەغداد پایتەخت.

وتیش؛ چەکدارەیل تەنیا وەرەو ماڵ کاندیدەگە کردن، وتیش؛ پەلامارەگە کەفتن قوربانی لەلی نەکەفتەو، تەنیا زەرەد وە روی ماڵەگە رەسان.

هەرلیوا، چەکدارەیل وەرەو شەست نادیاریگ وایینە.

شەوەکی ئمڕوو دووشەممە، دەسکریا دەنگدان گشتی لە هەڵوژاردن ئەنجومەن پارێزگایل بیجگە هەرێم کوردستان، کە بنکەیل هەڵوژاردن دەرەیلیان ئەرا دەنگدەرەیل واز کردن.