دادگايى ئه‌فسه‌ريگ ئه‌مريكى هه‌رزه‌كاريگ عراقى وه چه‌قوو كوشتگه ده‌سوه‌پيكرد
2019-06-18T10:11:29+00:00
شه‌فه‌ق نيوز/ دادگاييكردن ئيدوارد گالاگر ئه‌فسه‌ر له هيزه‌يل مارينز تايبه‌ت الخاصة "نيفي سيلز"، له سان ديبگۆ له ولايه‌ت كاليفۆرنيا ده‌سوه‌پيكرد ك تومه‌تباره وه ئه‌نجامداين تاوانه‌يل جه‌نگ له عراق.
تومه‌ته‌يل گالاگر ئه‌چێده‌و ئه‌را ساڵ 2017 له موسڵ، دويه‌مين گه‌وراترين شاره‌يل عراق ك له‌و وه‌خته‌يله هيزه‌يل ئه‌مريكى شان وه‌شان هيزه‌يل عراقى جه‌نگ دژ ريكخرياگ تيرۆريستى داعش كردياد له شاره‌گه ئه‌را هاوردنه‌وه‌ى ئه‌و شاره له‌ژير ده‌سڵات ئه‌و ريكخرياگ تيرۆريستيه.
له مايۆ 2017 هيزه‌يل عراقى چه‌كداريگ زه‌خمدار وه‌ديل گرتن و ته‌مه‌نى له نزيك 15 ساڵ بوێ و له‌و وه‌ختيشه گالاگر ئه‌و هه‌رزه‌كاره وه چه‌قوو كوشت و ئيسه‌يش (40 ساڵ) زيندانى ئه‌را ده‌ركريا له‌وه‌ر كوشتن وه‌ئه‌نقه‌ز مه‌ده‌نيه‌يل.
