داد عراقی:409 مناڵ و ژن وەخشین گشتی گرێدەیانەو
![داد عراقی:409 مناڵ و ژن وەخشین گشتی گرێدەیانەو](https://media.shafaq.com/media/arcella/1715762038635.jpg)
قسەکەر وەزارەت داد ئەحمەد لعێبی وە ئاژانس شەفەق نیوز وت، وەزارەتەگە لیستیگ لە ناو زیندانیەیل سەر وە زیندانەیل خوەی ئامادەکردیە، وتیش شمارەی ئەو کەسەیلە کە وەخشین تایوەت گرێدەیانەو لە مناڵ و ژنەیل رەسێدە نزیکەی 400 زیندانی.
وتیش؛ وەخشین تایبەت ئەو مناڵ و ژنەیلە گرێدەو سێ ساڵ و وەرەوخوار سزادریانە، و ساڵیگ تەواوکردنە یا ساڵیگیان مەنییە لە سزاگەیان.
دیاریکرد توومەتبارەیل وە کوشتن و بازرگانیکردن وە مادەی هووشبەر و ئەندامەیل مرۆڤ و ساختەکاری پویل و ماف کەسی وەخشین نیەگردەیانەو.
دووپاتکرد وەزارەت داد لیست گشت ئەو ناوەیلە وەخشین گردیانەو ئامادەکردیە و تا ئیسە هویچ کتاویگ لە سەرۆکایەتی کۆمار یا سەرۆکایەتی وەزیرەیل لەو باوەتەو نەڕەسیە.