دادگاى عراقى برازای عالیە نسەیف داوا کەێد وە توومەتەیل پەیوەند وە خەوەر درووکانی و خەڵەتانن دەسەڵات
شەفەق نیوز - بەغداد
دادگای بەغدا جدیدە، ئمڕوو سێشەممە، یاداشت داواکردنیگ دەرکرد لەدژ توومەتبار "محەمەد جەعفەر نسەیف" برازای ئەندام ئەنجومەن نوێنەرەیلن عالیە نسەیف جاسم کە سزادریاس وە دۆسیەیل گەندەڵی، لەبان خەوەرەیل درووکای لەبارەی تاوانەیلیگ کە روی نەیانە، و سڕپوکردن راسی لەلایەن دەسەڵاتەیل لێکۆڵینەوە و دادوەری وە نیەت بەد، بیجگە لە دروسکردن بەڵگەی مادی و پیچاننی وە پیچەوانەی راسی.
جی باسە کە توومەتبار محەمەد جەعفەر نسەیف وەرجە لەیە لەبان دۆسیەی وەرگردن بەرتیل لە سال 2019 دەسگیر کریاوێد، و توومار تاوانکاری لەبانی جیگیر کریاگە وەپاێ ئەوەگ لایەنەیل پەیوەنیدار لەو وەختە راگەیانن
دەسەی دەسپاکی فیدراڵی، لە ئەیلوول/ سێپتەمبەر گوزەشتە، خەوەردا لە دەرچوگن بڕیار سزا لەدژ نسەیف وە زیندانیکردن 7 ساڵ لەبان تاوان دەوڵەمەنبوین ناڕەوا، و ناچارکردن وە هەڵگردن زیاتر لە 61 ملیار دینار کە نرخ دەوڵەمەنبوین ناڕەواگەیە وەگەرد غەرامەی دارایی کە یەکسانە وەو نرخە.
