دادگا داوای هونەرمەن ئیناس خالدی کەێد
2023-06-08T14:46:58+00:00
شەفەق نیوز/ دادوەری عراق، ئمڕوو پەنجشەممە، داوای خانمە بلۆکەر و هونەرمەن ناودیار ئیناس خالدی کرد.
وەگورەی بەڵگەنامەیگ ک چاپیگی کەفتە دەس ئاژانس شەفەق نیوز؛ سەرۆکایەتی دادگای مەرخ سێیەم، فەرمان وە بنکەی پولیس مەسبەح داگە وە هاوردن ئیناس موئەیەد ئەحمەد، ک وە ئیناس خالدی ناسیاگە، وەگورەی مادەی ٤٠٣ لە یاسای سزادان.
ئی یادداشتە لە هەڵمەتیگ وەلایەن دادوەری عراقی تیەێد لەبان خاوەن بڵاوکردن باوەتەیل نا رەوشتی، ک وە باوەت ئاست نزم ناسیاگە، و وەرجەیە فەرمان زیندانی لەبان بڕیگ دەرچگ ک کارەیلیگ لەی شیوە بڵاو کەن.
