دەوانچەیلیگ وەشیوەی قەڵەم ئەرا جیوەجیکردن کوشتن وەکارتیەرێەد

شەفەق نیوز/ پۆلیس کابوڵ دەسنابان ژمارەیەک دەوانچە وەشیوەی قەڵەم، ئووشێد تاوانبارەگان وەکاری تێەرن ئەرا  ئەو کوشتنەیلە ک لەمانگەیل دویایی لە پایتەخت ئەفغانستان دەسکردەپی.

ئی جوور چەکەیلە ک تەنیا گولەیگ گرێد، جوور قەڵم حبرە، وهەڵگردنی ئاسانە وەبی ئاشکرا بوین.

وەرپرسیگ لە وەڕێۆبردن لێکۆڵینەوەگان لە کابوڵ ئەرا ئاژانس شەفەق نیوز وت: خوەی وەشیوەی قەڵەم حبرە، گولەگە نریەێدە ناوی، و تەقەکەێد.

لە هەفتەی گوزەیشتە، پۆلیس ئاشکرای حەشارگەیگ کرد ٤٨ لە دەوانچەیل شیەوە قەڵەمیە لەناوی بوی، وەگەرد بڕ گەورایگ لە چەک، لەناویان تەقەمەنی چەسپانن بوی ک نریەێدە ژیر ماشینەگان و لە دویرەو تەقننەی یا وە ئامێر وەخت دانیان.

تاڕق عەریان قسەکەر وەناو وەزارەت ناوخۆ وت؛ تیرۆرستەگان خواسین ئی چەکەیلە وەکابارن لە کارەیل کوشتن نادیاریگ لە پایتەختەگە.