٥ دەوڵەت گەپ هەڕەشە دەن: ئاسانی وەگەرد بمباران هەولێر نێکەیمن
شەفەق نیوز/ پەنج دەوڵەت گەپ، ئمڕوو چوارشەممە، هەڕەشەی ئاسانکردن وەگەرد بمبارانە مووشەکیەگە لەبان شار هەولێر و کامپ سەربازییگ ئەرا هاوپەیمان ناودەوڵەتی دان، ک بویە هووکار یەک کوشیاگ و ژمارەیگ زەخمدار.
ئەوەیش لە بەیاننامەی هاوبەشیگ لەلایەن ئەنتۆنی بلینکن وەزیر دەرەوەی ئەمریکا، وەگەرد جان ئێف لوردیان وەزیر دەرەوەی فەڕەنسا، و هایکو ماس وەزیر دەرەوەی ئەڵمانیا، و لویجی دی مایو وەزیر دەرەوەی ئیتالیا، و دومينيك راب وەزیر دەرەوەی بەریتانیا، لە پشت پەلامارەگەی پیرەکە لەبان هەولێر هات.
وەزیرەگان لە بەیاننامەیگ رەسیە ئاژانس شەفەق نیوز وتن: وە سەختترین قسەگان شەرمەزار پەلامارە مووشەکیەگە لە ١٥ی شوبات لەبان هەرێم کوردستان عراق کەیمن، و پرسەو سەرەخوەشی لە قوربانیەگان و خیزانەیلیان و گەل عراق کەیمن.
وەزیرەگان وتن؛ ئەوەسا حکومەتەیلمان پشتگیری لە لێکۆڵینەوەی حکومەت عراق لە پەلامارەگە کەن، تا سزای ئەوانە بیریەێد ک لەلی وەرپرسن.
وەزیرەگان هەڕەشە دان ک ئیمە یەکڕایمن ک هیچ ئاسانییگ وەگەرد پەلامارەگان لەبان تاکەیل و شوونەیل سەروە ئەمریکا و هاوپەیمانی نەکریەێد.
